law university :1st experience

 

To be honest I was so afraid about this new chapter of my life because I used always to be the kind of student who lives next the school surrounding by the people who i knew since i was little and who had such a strong relation ship with my teachers . yes i was excited but i was afraid if this will end with high school…

however, this idea faded with the first day of university and it became of the best experiences I have ever lived…

 

21150768_1868120273204673_290070298_n

الانفي هذا عديت فيه سوايع اكثر ملي عديتهم في دارنا. الحقوق  كانت و لا تزال من احلى التجارب الي عشتها رغم الصعوبات الي فيها لكل… عام السنا عرفت شمعناها تقرأ مع اكثر من ميات رقبة في انفي واحد و رغم هذا اقل حركة تعملها البروف اشوفك و ينقدك عليها. عرفت شمعناها تاخو السباسيال كل يوم مع طلبة كيفك و الجو الي نعملوه باش نقصروا الوقت.  عرفت شمعناها المطعم الجامعي الي بلحق الي اطيبو و اقدموا فيه يبذلوا في مجهود باش يرضيونا.عرفت الي الفاك موش اخر مرحلة بالنسبة لطالب الحقوق و انما ينتظر فيه المعهد العالي حسب الاختصاص. عرفت شمعناها جمعة برك ماتكفيش باش تريفزلك ماتيار وحدة. كل دفوار نفس الرهبة متع الباك تتعاود: بروفات ماتعرفهمش ، الأوراق لملونة، تدخل تصحح و تخرج تصحح و تبقى انتي مجرد نومرو. عرفت الصحاب الي معاهم حلات لقرايا. عرفت البروف الي ما تفهموش قاعد يحكي و الا إمل و ميعاودلك حتى كلمة لدرجة ولينا نسجلوا كلاموا بالتاليفون و كيف نروحوا نكتبوا الكور. عرفت البروف الي اقلك الشابيتر فولان موش داخل و ميجيبليك كان عليه. عرفت شمعناها اضراب قطاعي لأكثر من شهرين و تاكل الضرب خاطرك تكلمت على حقك. عرفت شمعناها البروفات اقولولك اهوكا الكور في المكتبة و كمل البروغرام وحدك و كل شئ داخل في الدفوار تلقا روحك طالب و بروف في نفس الوقت. عرفت شمعناها تقرا مع اجانب و خاصة الجالية الفلسطينية الي كنت ديما نتمنا باش نعمل منها صحاب. و زادة عرفت شمعناها تقرا مع مختلف الفئات العمرية ثلاثين و اربعين و حتى خمسين سنة تلقاهم كملوا قرايتهم و شدوا مراكز محترمة اما حبو اجربوا حياة الحقوق، رغم فارق العمر الا أنهم يدخلوا في جونا و يبداو خايفين من الدفوارات و احبوا ينجحوا كيفنا.  رغم قسوة الصعوبات لكل تلقانا ديما نفدلكوا و نضحكوا و عاملين جو خاطر حبينا الحقوق و ولات جزء منا . بلحق من اروع التجارب الي عشتها و الي غيرت فييا الكثير… و ديما اساتذتنا ابررولنا الصعوبات هذي ب « انتم رجال القانون و انتم الي باش تستند عليكم البلاد نهار اخر  » كل مانسمعهم اقولوا هكا نعرف الي التعب و الستراس و الصعوبية مالهم الا جزء من  تكويننا و مالهم الا جزء في بناء شخصية طالب الحقوق

21148338_1868120533204647_1527508231_n

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s